السلام عليكم .. مساء الخير اخوي (المكتشف المغامر ) أنا حقيقة قرأة موضوعك هذا ــ وهو رائعة جديدة تنضم لرواع تقاريرك واستطلاعاتك ــ وقررت والعائلة الكريمة زيارته .. المضحك أنني قررت زيارة فجأة وأنا في السيارة عندما تجاذبنا أطراف الحديث ــ المعزبه وأنا ــ وين نتعشا ...؟؟ وكعادتنا نضع اختيارات لعدة مطاعم ونقرر بعدها .. قلت لها فيه مطعم قرأة عنه وأثق فيمن كتب بأنه يستاهل الزيارة .. وقد زرته قبل قليل وتعشيت فيه وهو بالمناسبة مكان جميل وأنيق وطعم رائع وطلبات متعددة .. السعر مناسب جدا ويعتبر معقول والمفاجأة هي :::::::
انني عندما دخلت المطعم قلت لهم أني شاهدت تقرير في موقع سفاري عن هذا المطعم وقررت زيارته .. حقيقة كان استقبالهم ممتاز من البداية .. لكن عقب سالفة الموقع طاروا بي الربع .. وش حفاوة ووش دلع .. عاد أنا (( لمن يعرفني )) اصطدت في المياه العكرة .. ورقصت بهم شوي على التقرير وقالي هذا الوحش اللي مرتز على اليمين
بنعطيك تخفيض .. رحت وتعشيت واللي علي بالخير وطلبت الفاتورة ويوم تجي سألت فيه شبكة SPAN قالي تفضل وأنا رايح وأشوف الحساب وألا هم مخفضين فيه (20%) عشان حديثي معهم عن الصور .. ويوم حاسبت وشكرتهم على الخصم والا طويل العمر يقول خذ هذا كرت خصم لمرة قادمة بــ 10% عاد أنا استحيت مرة وقلت والله جمايلكم غطتني ثلاثين في المية على زيارتين كثير .. لكن هذا بفضل الله ثم بفضل الأخ ((المكتشف المغامر وموقع سفاري العزيز )) شكرا المكتشف المغامر على المساهمة في قضاء وقت جميل لي ولعائلتي ولأطفالي .. شكرا سفاري العزيز لهؤلاء الأعضاء المميزين .. تحياتي وتقديري /.../ ذيب بس لك عليه .
.................. همسه :
بعد الحديث عن الموقع قالي ملاحظة أعتقد أنه يجب التوقف عندها ــ ولو في المستقبل ــ وهي أنه حاول الدخول على الموضوع (هذا) عن طريق الرابط الذي أخذه من الأخ المكتشف المغامر .. لكن للأسف كل شي باللغة العربية وما استطاع الوصول للموضوع نفسه لأنه يتكلم انجليزي وهندي طبعا .
التعديل الأخير تم بواسطة : ذيب بس لك عليه بتاريخ 04-07-2008 الساعة 01:31 AM.
عليكم السلام ورحمة الله وبركاته
ياهلا بالذيب
تستاهل اكثر من ال 30% يكفي انك من عائلة سفاري الغالين
ومن ناحية موضوع اللغة احنا بعد نبي مواقعهم اللي باللغة الأنجليزية والهندية تترجم بالعربي علشان نعرف ايش يقولون ههههههه شاكر مرورك جزاك الله خير [/color]
أعجبتني جدا حركة الأرض الزجاجية .. والذي أعرفه أنها تكلف الكثير
المطعم باين عليه مرتب ونظيف .. وأرى أنه أفضل من لا ثاني
تقبل مروري
ياهلا بيكي عوداً حميداً
اما المطاعم لو اعطيكي روابط زياراتي للمطاعم في الرياض ما تلحقي تقريهم من كثرهم
والآرضية الزجاجية كان معي الولد الصغير عمرة سنة ونصف ما رضي يمشي عليها في البداية و شلته
اما انه افضل ما فيه اي وجه مقارنة المنيو متنوع كثير و الديكور راقي
شاكر مرورك
29-06-2008, 02:44 AM
العرض العادي
