تي يانا .. كوفي لذواقة الشاي .. تقريري بالصور

[samsoma]

مرحبا جميعا

الخميس الصباح زوّغت من العمل

وحبيت أستغل الفرصة .. قلت أروح أفطر برا .. بصراحة تجربة جديدة وحلوة

تي يانا أو Tea Yana



يقع في شارع الأندلس (بنتكلم على جدة طبعا ) بالتحديد في الحمرا القديمة

المميز في هذا الكوفي إنه يقدم لك أكثر من 500 نوع من الشاي

يعني بتحتار في أنواع الشاي وبصراحة كلها ألذ من بعض

أترككم مع بعض الصور

جانب من الكوفي .. هادي أشكال بالحافظات إللي يحفظون فيها الشاي .. عجبتني أشكالها وألوانها




وهادي طاولتنا




الوايتر راح يقدملك قائمتين : قائمة مخصصة بالشاي:



القائمة مقسمة إلى 3 أقسام : شاي أسود + أخضر + أعشاب

وتحت كل واحد أنواع كثيييييير : أنا أخترت شاي أسود توليفة الفطور العربي .. كاتبين إنه يفوّق عشان كدا أخترته .. أما زوجي يحب الأعشاب .. أختار شاي أعشاب التفاح التركي .. ريحته تجننننننن

القائمة الثانية : الطعام



أيضا مقسمة إلى عدة أقسام : فرن +حلويات .. إلخ



قائمة خفيفة .. يعني ينفع كفطور أو وجبة سناك بعد الظهر .. أنا أخترت منئوشة زعتر .. لزييييييز جدا خالية من أي دهون



نجي للشاي .. يقدمولك الشاي بطريقة معتبرة


حتسألوني أيش حكاية التايمر : أو الساعة الرملية إللي حاطينها مع براد الشاي



سؤال وجيه

بما إني أخترت الشاي الأسود قلي الوايتر أول ما تخلص الساعة الرميلة ارفع العامود على فوق (الموجود بأعلى البراد) عشان يتوزن الشاي على كيف كيفي ههههه وناسة

وسويت اللي قاللي عليه .. بصراحة كان شاي فريد من نوعه ..

من كثر ماعجبني المحل رحت في الليل فرعه الموجود بالخالدية .. بجانب سعوية سيتي



لأني حبيت أجرب نوع تاني .. وبجد كوفي جميل وهادئ .. وأكله خفيف

,هالصورة هدية لكم .. من خلف طاولتنا (مسجد العناني )


............

اعتذر عن ردائة التصوير .. خبرتي قليلة في التصوير مع إنه الكاميرا لا تفارق حقيبتي

تحياتي

[Hany5000]

مشكورة يا سمسوما على المعلومات و الصور الجميلة
قبل اسبوعين كنت مسافر جدة و مريت من عند المسجد هذا

و كنت ادور وقتها كوفي و ما حصلت
مدري وين راح عن عيني

يعني لو كنتي مزوغة قبل اسبوعين و حطيتي الموضوع مكان عديناه



اكرر شكري




تحياتي
,,’,,,,,,,,,,,’,,

[samsoma]

حيا الله أخي Hany5000 في جدة

أجل المرة الجاية لا يفوووووتك .. وأوعدك إذا رحته حتروحه تاني .. لأنه فضولك يقلك أبغى أجرب كل أنواع الشاي إللي عندهم

تحياتي لك .. وشكرا على مرورك الجميل

[speedbird]

بارك الله فيك
samsoma
ودمتم سالمين

[samsoma]

أخي speed bird

شرفني مرورك

تحياتي لك

[المكتشف المغامر]

لالالالالا

ليش كذا انا احتج

يعني انا ما فتحت الموضوع هذا الا وانا طالع من الدوام و جوعان موت
و خليتيني زيادة على الجوع اخرم على الشاهي لأن مزاجي في الشاهي صعب و حساس

مشكورة على الموضوع اللطيف و اللذيذ

[النهدي]

بارك الله فيك أختي سمسومة على تقريرك عن هذا المقهى

[samsoma]

أخي المكتشف المغامر

أقترح عليك فنجان شاي بعد اغدا .. ترى عندهم توليفة بعد الظهر لا تفوووووتك

سرني مرورك

أخي النهدي

الشرف والنور لمرورك على موضوعي

[ابو مشعاب]

تقرير رائع :>

[فارس الشجاع]

تسلمين اخت samsoma
تقرير جميل وعرفتينا على كوفي رايق وراقي ..
بنسخ رابط التقرير وبرسله لرئيستك المباشرة علشان تاخذ بالها من تزويغاتك
يعطيك العافية ,,,