[Esperanza]

هذا احد الاستفسارات التي وصلتني:

اخى الكريم Esperanza
اتمنى من الله ثم منك ان تنصحني وترشدني في موضوعي بكل عقل وانصاف وكلي امل فيك ان شاء الله ...

انا بروح لــ فانكوفر دراسه والغرض اصلا سياحه لمدة ثلاث اسابيع بس باخذ الفيزه دراسه وراح ادرس في معهد اسمه

YMCA سؤالى هل تنصحني بذهاب هناك هذه الايام مع قرب فصل الشتاء هناك ؟

وما الذي سوف احتاجه هناك ؟

وكم المصروف المعقول اللى يجب ان يكون معي هناك ؟ مع العلم ان السكن موجود والتذذكره فقط ( مبلغ سياحه ) ؟

ولى رجعه اخرى ان شاء الله معك ...

الرد على الاستفسار:


خي :

بعد التحية و الاحترام.

ما بين شهر 11 و 3 ميلادي بيكون فترة الشتاء في فانكوفير ، لكن و بما انك منت قاعد في المدينه الا 3 اسابيع فنشاءالله ماهو جايك اكتيئاب فترة الشتاء للي ما تعود على البرد و الثلج.

صحيح ان البرد في العاده في فانكوفير بسيط بالمقارنه بباقي اجزء كندا ولكن روحتك في الفصل هذا بيحرمك من جمال و سحر فانكوفير لو انك تروح الها ما بين شهر 3 و 9 ميلادي.

انا اعتقد و انت ابخص في الموضوع هذا ان فترة 3 اسابيع لدراسة اللغه الانجليزية غير كافيه بالمره و يمكن ما تستفيد منها.
لكن اذا كان الهدف الرئسي هو السياحه و من ثم الدراسه فلا ضرر من ذلك ، مع اني افضل انك تروح خلال فصل الربيع ( بس انتبه اذا رحت خلال فصل الربيع يمكن معاد ترجع من فانكوفير ، جمالها بيسحرك و هذا شي لا شك فيه).

اذا رحت في فصل الشتاء منت محتاج شي غير موجود في المدينه ، الملابس الشتويه عندهم افضل و ارخص.

المصاريف تعتمد عليك بالدرجه الاولي ، ولكن بختصار التكلفه خلال 3 اسابيع بدون سكن بتكون كما يلي:

( الدولار الكندي يعادل 3 ريال سعودي )


1) المواصلات:

- اذا حبيت تستأجر سياره ، التكلفه لسياره صغيره ( كرولا ، صني ، ماليبو ، فوكس ) بتكون في حدود 45 دولار في اليوم ، طبعاً بتحتاج الي رخصه دوليه او تكون رخصتك مكتوبه باللغه الانجليزيه ، و بتحتاج الي بطاقة ائتمان لستئجار السياره.
( تكلفة السياره لمدة 21 يوم بتكون 945 دولار). طبعاُ لا تنسي انك تحتاج تعبي بنزين و مع اسعار البترول المرتفعه بيكلفك البزين حدود 10 الي 15 دولار في اليوم.

- اذا منت مستاجر سياره ممكن تستخدم التكاسي و معدل سعر المشوار الواحد هو 10 الي 15 دولار.

- و ممكن تستخدم الباصات و القطارات ، سعر الباص للمنطقه الوحده 1.5 دولار ، و القطار الكهربائي نفس الشي تقريباً.

2) الاكل و الشرب:

على افتراض انك منت طابخ في البيت و بتعتمد على المطاعم ، تكلفة الاكل و الشرب بتكون كماء يلي:

- الفطور 10 دولار.

- الغداء 20 دولار.

العشاء 20 دولار.

طبعاً كل الاسعار هذي هي كمتوسط ولا تشمل الاكلات السريعه ( مكدونلدز و برقر كنق ... الخ) ، الاكلات السريعه تكلف في المتوسط 5 دولار.
و اذا كنت من محبي الاكل الصيني فهو ثاني ارخص اكل بعد السريع ، يعني ممكن تاكل في بوفيه مفتوح الين تشبع بحدود 10 دولار.
و فيه طبعاً مطاعم اغلى ولكن بجوده افضل.


التمشيات:

- اذا انت من محبي السينماء ، التذكره تكون في حدود 10 دولار للفلم و 5 دولار للفشار و المشروب.
- اغلب المتنزهات الموجوده في المدينه يكون الدخول لها مجاني ، و اذا كان فيه رسم دخول بيكون في حدود 15 دولار.
- التسوق مكلف ولكن انا ارا بانه ارخص من عندنا. و يعتمد على الشي اللي انت بتشتريه.

مدري اذا فيه شي ثاني.

انا عن نفسي اصرف معدل 100 دولار في اليوم من غير السياره.
يعني حدود 3000 دولار مصاريف انشاءالله تبسطك.


انت ما سألتني عن المعهد ، لكن قلت احط الرابط حقه اللي على الانترنت:

YMCA

اذا تحتاج اي معلومات عن المعهد انا في الخدمه.


و انا في انتظار باقي استفساراتك.


لك اجمل تحية.