صفحة 1 من 3 123 الأخيرةالأخيرة
النتائج 1 إلى 10 من 30

الموضوع: اطبع هذا التقرير كافي لتسافر به تركيا ان شاء الله

  1. #1
    مسافر جديد
    تاريخ التسجيل
    Nov 2010
    المشاركات
    18

    اطبع هذا التقرير كافي لتسافر به تركيا ان شاء الله


    زرت تركيا و بالتحديد اسطنبول منذ أيام و كنت مع زوجي و ابنتي (4 سنوات) و قمت بترتيب الرحلة بمساعده اخواني و اخواتي في هذا المنتدي و بعض المنتديات الاخري او صفحات السياحة و كانت رحلة رائعة الحمد لله و سعدت بفرحة زوجي و تقديره لي عندما كنا نتبع برنامج الرحلة كما خططت له و وفرت له الكثير من الاموال التي تأخذها شركات السياحه للمزارات و التحرك داخل تركيا.

    أولا بعض الملاحظات:
    1- احجز تذاكر الطيران و الفندق من شركة سياحه و تأكد من حجز الفندق بأن تراسل الفندق مباشرة قبل سفرك... طبعا اختار فندق له صفحة علي النت و شوف صوره و اعتقد علي الاقل يكون اربع نجوم.

    2- منطقة تكسيم هي نقطة الانطلاق لكل المزارات لذلك الاحسن تسكن فيها... احنا كنا في فتدق اسمه بليك اسطنبول في منطقة اسمها 4 ليفنت بعيدة عن تكسيم 4 محطات بالمترو الحمد لله الفندق طلع فخم و مريح و مستواه عالي و المنطقة كمان لكن كنا نضطر للذهاب الي تكسيم تقريبا كل يوم لاستكمال البرنامج.... ما عدا اللي عاوز يتسوق طبعا لأن ليفنت فيها مولات كتير..
    ممكن تاخد فكره عن فندق بليك من العنوان ده
    Booking.com: Bilek Istanbul Hotel, Istanbul, Turkey - 33 Guest reviews. Book your hotel now!

    3- حاول تختار فندق فيه خزنه في الغرفة علشان تطمن علي فلوسك و انت خارج و خد معاك صور من الباسبورات و الاوراق و اترك الاصل بالفندق لو لا قدر الله اتسرقت.. لكن علي العموم البلد امان و لا تدعو للخوف الذي كنت اعتقده قبل سفري حتي انه في اخر يومين في رحلتنا كنت اتسوق وحدي لأن زوجي يكره المولات و التسوق.

    4- الاكل في اسطنبول غالي جدا و حاولنا ناكل في المطاعم التي وصي بها بعض الاخوه في المنتدي مثل مطعم حمدي في امينونو و الاكل طلع اي كلام و كميات بسيطه جداجدا تقوم جعان مع العلم اني لست اكوله و وزني مناسب لكن كنا نجوع بعد الاكل بساعتين و لا اقل.. و الاكل ليس مميز انا من مصر و اقل كبابجي في مصر طعم الكباب و الشاورمه عنده احلي من مطاعم اسطنبول و دفعنا 40 ليرة يعني حوالي بالمصري 160 جنيه او 100 ريال علي طبقين فيهم معلقتين رز و حتتين لحمه صغيييررررة جدا و شويه خضار مشوي معلقتين برضه من غير و لا سلطات و لا حلو و لا اي حاجه.... الاحسن ىتاكل من الاماكن المعروفه زي كنتاكي و ماكدونالدز و التوكيلات دي حتي الاتراك زحمه عليها جدا.

    5- الاتراك لا يتحدثون الانجليزية و لا العربية و لا اي لغة غير التركيه و هي مشكله كبيرة في بلد سياحي مثلهم و نادرا ما وجدنا من يساعدنا في اي استفسار لكن الحمد لله التنظيم الجيد لم يترك لنا مجال كبير للسؤال ...و البلد للحقيقة منظمه جدا تطلع من المترو تلاقي المول فوقك او المطقة السياحيه قدامك مش محتاج تسأل كتير.

    6- الاتراك من وجهه نظري شعب في حاله لا يحب السواح مثل المصريين عندنا نفرح بشكل اي واحد سايح و يجري الاطفال تسأله انت منين و تهزر معاه هناك لم نلاحظ ترحيب و لا كره فقط عادي الاتراك لا يحبون الدوشه و كتر الكلام تسأله لو مش فاهم كلامك يسيبك و يمشي مش هيحاولوا يساعدك.... و بعضهم يعطي انطباع سئ عن تركيا مثل موظفة استرداد الضرائب في مطار اتاتورك و التي كانت تتعامل بسخافه و تنفخ طول الوقت و كأنها تطلب منها صدقه و ليس حقك و تتعامل كأنها تنوي تعطيلك عن الطائرة حتي تزهق و تسيب الفلوس و تمشي لتلحق طائرتك مثلما فعلنا... تنفخ طول الوقت حتي اني كنت مصممة علي ان اقدم شكوي لكن لم يكن هناك وقت.. و هو ليس انطباع شخصي بل كل الواقفين في الطابور لاسترداد الضرائب كانوا يشكون منها.

    7- بمناسبة استرداد الضرائب لو اشتريت من محل يحمل علامه علي الفاترينه انه يرد الضرائب Tax free باكثر من 108 ليرة تأخد فاتورة تقدمها في المطار و لازم تكون البضائع معاك و تاخد حوالي 5 ليرة.

    8- عند وصولك المطار لازم يكون معاك ليره معدنيه علشان تعرف تاخد عربية تشيل الشنط عليها بدل مبلغ صغير من المطار للتاكسي كمان لان اسعاره من حلوه و جوه البلد في ميدان تكسيم او امينونو الاسعار احسن كتير.

    9- الاحسن من المطار حتي الفندق خد تاكسي و فاصل معاه اخد مننا 40 ليرة حتي الفندق بلاش توفر و انت معاك شنط كتير و تحاول تاخد مواصلات.

    10- اشتري اكبلAkbil من اي كشك جنب المترو او الترام سعره 6 ليره و اشحنه و ممكن اخر الرحلة ترجعه و تاخد 6 ليره تاني تستعمله بدل التذاكر في المترو و الترام و الباص و ارخص كمان كل ما تستعمله هتلاقي بيعمل خصومات.

    رحلتنا كانت 9 أيام و كان البرنامج كالتالي:

    اليوم الاول الاربعاء 10/11:
    ناخد المترو حتي تكسيم نتفرج علي الميدان و شارع الاستقلال نركب الترام من ميدان تكسيم يتمشي بينا شارع الاستقلال بس زحمه اول خصوصا من 5 الي 8 مساءا و حاسب من السرقة. في اخر شارع الاستقلال نوصل برج غلطه Galata tower نطلعه و نصور البلد.

    نرجع بالترام تاني تكسيم و لو فيه وقت نركب المترو الاخضر من تكسيم حتي شيشلي بعد محطة واحده و ننزل نتفرج علي جواهر مول فوق محطة المترو عالطول.



    اليوم الثاني الخميس 11/11:
    نركب المترو حتي تكسيم ثم مترو من تكسيم لونه حتي كاباتاش kabatas و نغير نركب الترام من كاباتاش7 محطات بيعدي فيها علي القرن الذهبي.\

    ننزل في سلطان احمد Sultanahmetفيها الجامع الازرق دخوله مجاني و ممكن تصور فيه و بجواره ايا صوفيا Aya Sofya دخوله 20ليرة من 9 و نص حتي 4 و نص و اجازته يوم الاثنين و قصر توب كابي Topkapi Palace دخوله 20ليره و اجازته يوم الثلاثاء. ممكن تأجر جوه القصر او ايا صوفيا جهاز اوديو من كشك جنب الباب يعلقلك فيه بالعربي علي الاثار الموجوده و لا تحتاج معه لمرشد سياحي

    في نفس المنطقه فيه قصر السلاطينHome of Ottoman Sultans ومنطقه سباق الخيل Hippodrome و عمود قسطنطين Cemberlitas
    (Hooped column of costantine)


    علي بعد محطة مترو واحده في منطقة اسمها Beyazit فيه ميدان بايزيد و مساجد و جراند بازار Kapali carsi بيقفل الساعه سابعه و فيه فصال لنص الثمن و محلات تغيير العمله فيه اسعارها حلوه.


    أو من ميدان السلطان أحمد ناخد الباص السياحي جولة لمدة ساعتين ب 20 يورو التذاكر من كشك احمر علي اليمين و انت طالع من متحف ايا صوفيا, فيه رحله كل ساعه من 11 ص حتي 5 م.

    اليوم الثالث الجمعه 12/11:
    المترو الي تكسيم و بدل المترو و اركب خط تكسيم-كاباتاش و من كاباتاش تركب الترام 4 محطات حتي تصل ميناء امينونو Eminonu تاخد من الميناء جدول مواعيد رحلات العبارات مجاني و تركب عباره لعبور البسفور من كشك تذاكر اسمه Bogaz Iskelesi terminal 3 تكلفتها حوالي 10 ليرة في ساعتين تقطع تذكرة ذهاب و عوده ارخص مرة واحده و بيبقي بينهم حوالي ساعة و ربع الي ساعتين, غالبا الرحله بتقف في اناضوليا علشان تتغدي هناك قبل العوده الي امينونو.
    او من الميناء تاخد عبارة رايح جاي بدون توقف 10 ليرة بينادوا عليها و تطلع كل حوالي ساعة


    لو تحب تكمل اليوم في تل العرائس Camlica hill جامليشا ممكن تعدي من ميناء امينونو تاني بعبارة توصلك لميناء اسكودار Uskudar علي الجانب الاسيوي و منها تركب اتوبيس c15 اللي رايح تشاملجا توصل سوق كابيتول تتغدي هناك و تطلع التل العصر و اخر معاد ترجع فيه 10 م.
    او تروح قصر بيلار بيه Beylerbeyi palace في منطقة اسكودار و ده فاتح من 9 و نص الي 5 فقط و اجازته اتنين و خميس و احتمال الثلاثاء

    اليوم الرابع السبت 13/11:
    زيارة متحف Miniaturk museum مفتوح من 9 ص حتي 6م. دخوله 10 ليرات تاخد كارت ممغنط للارشاد السياحي بالعربي و ممكن تشتري التحف من هناك لكن لاقيتها ارخص علي الرصيف في سلطان احمد امام المسجد الازرق.
    تاخد المترو حتي تكسيم و تبدل و تركب محطه واحده حتي كاباتاش و منها تبدل و تركب الترام حتي امينونو تنزل فيها و تركب باص رقم 47 c تنزل علي باب المتحف بعد حوالي 9 محطات تقضي اليوم هناك .


    ممكن بعد كده ترجع حتي امينونو او تكسيم و تاخد باص الي جامع ايوب Eyup ( اسأل لو فيه باص من قدام المتحف لان جامع ايوب قريب منه بدل ما نرجع تاني يفصل بينهم القرن الذهبي هل فيه جسر و لا حاجه يعدي ما بينهم!!!) او تركب عباره من ميناء امينونو حتي ايوب.
    من عند جامع ايوب تتمشي مسافه قصيرة حتي التلفريك تركبه و تنزل عند مقهي بيرلوتي Pierloti (Pierre loti café) .


    اليوم الخامس الاحد 14/11:
    زيارة منطقة ارتاكوي و قصر دولما بهجه (اجازه اثنين و خميس) Dolmabahce .

    ناخد المترو الاخضر حتي تكسيم ثم مترو F1 من تكسيم حتي كابتاش تمشي حتي قصر دولما باشي او بهجه قريب من الترام رسوم دخوله حوالي 15 ليرة و يوجد رسوم لزيارة قسم الحريم ايضا..

    بعد زيارة القصر تطلع علي الشارع الرئيسي المجاور للقصر و تستني تركب اتوبيس يوصلك منطقة اورتاكوي... نجلس في مقهي مادو و تشتري بطاطا مسلوقه سعرها 7 ليرة ... نتمشي في المنطقة فيها مسجد, حمام تركي, قصر تشيران, سوق شعبي رخيص Ortakoy Bazzare.

    نرجع نقطة انتظار الباص و تركب الباص تنزل في امينونو نتغدي في المطاعم اللي تحت جسر غلطه .

    اختياري :::::: نركب الترام و ننزل جولهانه فيها اسواق و جولهانه بارك نقعد في الحديقة شويه و نرجع الفندق.

    التعديل الأخير تم بواسطة Sarah112007 ; 2010-11-30 الساعة 11:36 PM

  2. #2
    مسافر جديد
    تاريخ التسجيل
    Nov 2010
    المشاركات
    18

    اليوم السادس الاثنين 15/11:
    زياره جزيرة الاميرات...

    لازم ملابس ثقيلة و جاكيت و اكل... المترو حتي تكسيم ثم مترو Taskim-Kabatas funikuler حتي كاباتاش... من ميناء كاباتاش تقوم الرحلة بالعبارة 5 ليرة للفرد, تمر الرحلة بجزيرة هيبلي آضا ثم اخيرا بيوك اظه Buyukada ننزل نتمشي فيها او نركب حنطور لمدة ساعة و نص تلف بيك الجزيرة كلها ب 60 ليرة. الرحلة تستغرق نصف يوم و بعدها نعود للميناء

    اليوم السابع الثلاثاء 16/11:
    زياره الاكواريوم Turkuazoo في منطقة Bayrampasa في قلب مول اسمه Forum Istanbul ممكن نوصلها بالمترو الاخضر حتي تكسيم.

    رسوم دخولها حوالي 18 ليرة للفرد و مفتوحه طوال الاسبوع.

    من تكسيم تركب المترو حتي كاباتاش ثم تركب من كاباتاش الترام حتي يوسف باشا Yusufbasa تبدل تاني و تركب المترو الاحمر في اكسراي Aksaray حتي كوجاتبه Kocatepe

    باقي الرحله كانت تسوق و قد لاحظت ان المحلات الكبري فروعها متكررة في كل المولات لذلك لا داعي لزيارة كل المولات و عن رائي فقد احببت جواهر مول فوق محطه مترو شيشلي و مترو سيتي سنتر فوق محطه مترو ليفنت و اكثر المحلات و انسبهم سعرا هيو , Penti, LCWaikiki , C&A , FLO

    البقاله من فروع ميجروس او Real او NAMLI و لكن للاسف البضائع كلها مكتوب عليها باللغة التركيه فقط حتي اني كنت انوي شرلء منتجات للبشرة و الشعر و لكن لم استطع سوي شراء المنتجات اللتي اعرف شكل و الوان العلب لأني لم ستطع قراءة اي كلمة عليها و قام موظف الامن بالقائهم في القمامة قبل دخول الطائرة و قال انه ممنوع ان احملهم معي داخل الطائرة و حزنت لذلك كثيرا.
    التعديل الأخير تم بواسطة Sarah112007 ; 2010-12-01 الساعة 12:31 AM

  3. #3
    مسافر جديد الصورة الرمزية rashaaa
    تاريخ التسجيل
    Oct 2010
    المشاركات
    29

    حمد لله على سلامتك اولا تقرير رائع ومختصر جدا بس انا مش فاهمة موضوع الضرائب ده؟ وكمان موظف الامن ليه رمى لك المنتجات اللى اشترتيها ممكن توضحى اكتر؟

  4. #4
    ©؛°¨°؛©][عضو سفاري الفخري][©؛°¨°؛© الصورة الرمزية basrah007
    تاريخ التسجيل
    Apr 2008
    الدولة
    دبي - اسطنبول - دبي
    المشاركات
    10,265

    الحمد لله على عودتكم سالمين غانمين

    ويارب تكونوا قد استمتعتم فعلا في سفرتكم


    كما اود ان اتقدم لك بجزيل الشكر اختي الكريمه على هذا التقرير المختصر

    والذي فيه بعض الملاحظات والنصائح المفيده لمن اراد زيارة تركيا




    تحياتي

  5. #5
    مسافر جديد
    تاريخ التسجيل
    Nov 2010
    المشاركات
    18

    شكرا يا رشا بالنسبة لموضوع الضرائب كما ذكرت بعض المحلات الكبري تضع في الفاترينه علامه Global tax free لو اشتريت منها بمبلغ اكبر من 108 ليرة تطلبي من الكاشير فاتورة تاكس فري و عند مغادرة البلاد في المطار تستردي قيمة الضرائب علي هذه المنتجات حوالي 5% من مكتب بالمطار لكن المشكلة لازم يكون المشتروات معاكي و ليست الفواتير فقط و هذا ما سبب لنا مشكلة لاننا كنا قد وضعنا المشتروات بالطائرة و حدثت مشكلة لكي نخرج الشنط مرة اخري من الطائرة و بعد عناء اخراج الشنط تعمدت الموظفة التي ذكرتها المسئولة عن ختم الفواتير تعطيلنا فتركنا الموضوع كي نلحق الطائرة..
    بالنسبة للكريمات و الشامبوهات قال موظف الامن انه ممنوع دخول السوائل اكثر من 100 مل للطائرة و اعتبر الكريمات من السوائل و طبعا انجليزيته ضعيفة جدا و لم نستطع التفاهم معه .. اعتقد انهم يجمعون هذه المنتجات و يأخذونها بعد سفرنا لأن بعضها كنت قد احضرته معي في شنطه داخل الطائرة و انا ذاهبه من القاهرة الي اسطنبول و لم يحدث مشكله في ذلك.

  6. #6
    مسافر جديد
    تاريخ التسجيل
    Nov 2010
    المشاركات
    18

    شكرا لك اخي الكريم .. و لقد استفدت كتيرا في تحضيري للرحلة من منتدي سفاري لذلك اردت فقط تقديم المساعدة مع العلم انها المشاركه الاولي لي علي النت بأي منتدي و ارجو ان يستفيد احدهم منها..
    للعلم احسست في اسطنبول انني في الاسكندرية بمصر لها نفس الروح و مسألة الاثار لم تكن مبهره جدا بالنسبة لي فلدينا أثار في مصر اكثر من ما شاهدت بتركيا بكثيير لكننا استمتعنا جداجدا بيوم جزر الاميرات لأن له طبيعة مختلفة عن مصر أول مرة اشاهد غابات و جزر و هذه الطبيعة.. ايضا رحلة مضيق البسفور لكن الشراء لم يكن كما توقعنا لأننا شعرنا بالاحباط ان معظم البضائع صيني و سيري لنكي و بنجلاديشي و ليست تركيه حتي الجينز و الجلود.
    يا ريت حد يفيدنا عن اماكن التسوق الرخيصة في اسطنبول و ليست المولات لأن الاسعار في المولات غالية بعض الشيء كما انني متأكده ان التجار الذين يشترون بضائع تركي في مصر لا يذهبون لتركيا للشراء من المولات.. حد عارف بيجيبوا البضايع منين؟؟

  7. #7
    عضو سفاري الفخري الصورة الرمزية شاطيء الغروب
    تاريخ التسجيل
    Jan 2006
    المشاركات
    10,852

    بـارك الله فيــك اخـتـنـا سـاره

    جهـد جـمـيـل و تقـريـر مـُفـيــد لـمـن أراد زيــارة تـركيـا

    دُمــتِ بـِخـيـــر

  8. #8
    كبار شخصيات سفاري الصورة الرمزية .ندى.
    تاريخ التسجيل
    Aug 2010
    الدولة
    فلســـــ Nablus ـــــطين
    المشاركات
    2,378

    يعطيكي العافية اختي
    تقرير مفيد بالفعل..مشكورة

  9. #9
    مسافر جديد
    تاريخ التسجيل
    Oct 2006
    المشاركات
    11

    ماشاء الله عليك اختي

    تقرير مختصر وموجز

  10. #10
    مسافر جديد
    تاريخ التسجيل
    Nov 2010
    المشاركات
    18

    شكرا للرد علي تقريري و بارك الله فيكم...

صفحة 1 من 3 123 الأخيرةالأخيرة

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X