متطلبات السفر الضرورية أهلا فيكم ازيكم عاملين ايه دنا بقى اليوم كلامي بالمصري لأن المثل بيقول(إذا كنت في روما افعل ما يفعله الرومان ) وأنا الحين وصلت مصر(أقصد في القصة مو في الواقع لأني في الحقيقة ...............;) ) بالنسبة للتاشيرات لدخول مصر السعودي واليمني مايحتاج له تأشيرة أما الجنسيات الثانية فيحتاج لها تأشيرة المطلوب للتأشيرة: 1-جواز السفر الأصل +صورتين للجواز 2-صورة الإقامة(وإذا أحضرت الأصل يكون أحسن علشان مايلاقون حجة يرجعوك) 3- خطاب من الكفيل انه لا مانع من السفر إلى مصر 4- 90 ريال 5- تعبي نموذج خاص بالتأشيرات تأخذه من السفارة يعني نقدر نضيف طلب سادس 6-قلم 7-تذكرة سفر إلى مصر ذهاب وعودة(أنا عن نفسي صورت نسخة التذكرة الي يأخذها مكتب السفر والسياحة ودبست معاها الفاتورة اللي أخذتها منهم وأعطيتها السفارة) ولازم يكون جوازك فيها تأشيرة خروج وعودة لأنهم يحطون التأشيرة في الصفحة المقابلة لتأشيرة الخروج والعودة طبعا تعطيهم الجواز وباقي الأوراق من الساعة 9 صباحا إلى الساعة 12 ظهرا وترجع البيت أو تنتظر عندهم في السفارة طبعا في مطعم لكن أسعاره نااااار ويفتحون الساعة 3 إلى 3.5 ويسلمون لك الجواز في أحسن من هذي الخدمة نصيحة لاحد يرسلي على الخاص يطلب رقم السفارة لأن لو تموت ما يردون عليك ولا وكمان يعطوك رقم فيها كل التفاصيل لإستخراج التأشيرات والأشياء الثانية الخاصة بالقنصلية وهو سبعة صفر صفر اثنين سبعة أربعة واحد اثنين(7027412) أتحدى .................................................. ... وهذي الأوراق المطلوبة للتسجيل بالجامعة سجلوا معاي: 1-جواز السفر الأصل +صورتين للجواز 2-شهادة الثانوية العامة الأصلية مصدقة من وزارة الخارجية و السفارة المصرية طبعا تصديق وزارة الخارجية ب30 ريال وتصديق السفارة 85 ريال+صورتين منه 3-خطاب من سفارة بلادك الموجودة في القاهرة والخطاب نوعين اما يكون ترشيح لدراسة الطب أو خطاب عدم الممانعة بتسجيل الطالب في القاهرة طبعاً أنا أخذت الثانية 4-6 صور شخصية وخذ معاك كم صورة احتياط 5- شهادة الميلاد الأصلية مصدقة من وزارة الخارجية و السفارة المصرية طبعا تصديق وزارة الخارجية ب30 ريال وتصديق السفارة 85 ريال+صورتين منه 6-مظروف التسجيل اللي راح تأخذ من إدارة الوافدين بعدين بصراحة أي ورقة تأخذها معاك خذ لها 3 أو 4 صور احتياط وخذ صور شخصية احتياط نرجع لموضوعنا المهم أنا صحيت من النوم الساعة 5 الفجر ورتبت أغراضي ولبست لي ذاك الجنز :eek: (طبعا متعودين الثوب والشماغ) لكن انا داري اني لو فكرت بس اني البس ثوب راح تكون النتايج وخيمة (راح يدرون اني سائح واضرب في السعر يابياع)المهم نزلت فطرت ذاك الفطور السنع وطلبت منهم ماء فهم اعطوني اللي احنا نسميه هنا (موية البلدية) المهم يوم شربته استغربته فطعمه كان مرة منتهي فأنا سألتهم اذا كان هذا موية النيل ولا لا لأن على حسب معلوماتي الضعيفة في الجغرافيا ان موية النهر عذبة وذا الموية الله لا يوريكم اياه فقاموا الجماعة يتفلسفون واحد يقولك هذي الموية موية النيل و يوم تمر عن طريق الأنابيب يطلع طعمها كذا (ما أدري هو يقوله وهو يصدق نفسه ولا لا:p ) وواحد يقولك كلام ثاني(ولازم واحد من أعضاء المنتدى ويكون مصري يشرح لنا عن السر) المهم انا تركتهم ومشيت نزلت وكانت الساعة 7.30 أو 8 الصباح نزلت اشتري شريحة جوال ولا ألاقي المحلات مسكرة فسألت واحد من المارة وش السالفة فقال لي هنا في مصر ما يفتحون إلا الساعة 10 أو 11 بعضهم:eek: :mad: (بصراحة أحنا مطورين هنا) المهم فسألت واحد وين النيل أبغى أشوفه فقال لي شوف ذيك العلامة الحمراء وراه النيل انا يوم شفت العلامة قلت يبغى لي نص ساعة على بال مانوصل هناك فقال لي لا ماتجي حتى 3 دقايق المهم انا ماصدقته مشيت ولا فجاة العلامة فوق راسي:eek: انا ماصدقت لان المشوار زي كذا هنا عندنا ياخذ له نص ساعة وانا مااخذت إلا 5 دقايق المهم وصلت النيل وقعدت فيها حدود ساعة وبعدين رجعت الفندق حدود الساعة 9 يوم لقيت خوي منتظرني أول شيء أنا أخذت رقم سفارتنا سفارة.............. وعنوانها اللي في القاهرة من الرياض قبل ماأروح القاهرة وتقدر تاخذ العنوان إما من سفارتكم هنا في الرياض أو القنصليات أو تبحث عنها في الإنترنت بصراحة أنا بحثت عنها في الإنترنت ولقيت مستند وورد به عناوين سفارتنا في كل انحاء العالم و ريحني بصراحة طبعا العنوان كان بالإنجليزي فترجمته إلى العنوان بالعربي حسب خبرتي الضعيفة في الإنجليزي اللي هو Bolos Hana Street,Doki طبعا واحد مثلي مايعرف أحياء القاهرة راح يكتب التعريب له زي كذا شارع بولوس هناء،دوكي (...............صح ) لأن زي ما قلنا علشان تسجل في الجامعة لازم تجيب خطاب من سفارتك في القاهرة وبالأخير طلع العنوان هو (شارع بولوس حنا,الدقي:p )(لا تعلمون أحد ماابي احد يدري وش جنسيتي) ولحسن الحظ وأنا في الفندق دقيت عليهم وسألتهم عن العنوان إذا كان صحيح ولا لا فقالوا انهم حولوا من ذاك المكان(هاها لعبيت عليكم تقدروا تقولون للناس ذاك الوصف ) وعطوني وصف ثاني في المهندسين في شارع لبنان تقاطع شهاب المهم ماراح أكمل الوصف علشان ماتعرفون هي سفارة أي دولة على طاري السيارات اليوم الي انا وصلت فيه القاهرة رفعوا سعر البنزين إلى 130 جنيه على ماأظن (ما ادري كيف دروا اني وصلت;) ) المهم طلعت مع خويي ورحنا لم السفارة وكنت قد اتصلت عليهم وقلتلهم اني ابي منهم الخطاب فيوم وصلت عطيتهم الجواز حقي وكات الساعة 10 وقالوا راح تأخذ هذي الاجراءات 3 ساعات فأنا ماصدقت على الله وقلت لخويي يلا نروح نشتري شريحة موبايل بالمناسبة علشان لاقدر الله صار شيء ولا شيء اطلب من سفارتك انك تبي تسجل جوازك عندهم مثلا السعودي يسجل جوازه على انه مواطن سعودي في مصر فهم راح يعطوك فورم أو نموذج تعبيه كامل وتعطيهم اياه وعطهم صورة شخصية لك (علشان كذا أنا طلبت منكم تأخذون صورة شخصية احتياط) الفايدة من هذي الخطوة أنه لا قدر الله ضاع جوازك راح يكون سهل عليك تستخرج جوازك عن طريقهم والفايدة الثانية انه لو صار أي شيء في مصر فهم راح يتصلون عليك عن طريق البيانات اللي عبيتها ويساعدونك تخرج من مصر زي اللي صار في لبنان(الله يجيب العواقب سليمة بإذن الله) وحاول انك تسجل جوازك في السفارة كل سنة على فكرة انت شكلكم تسألون من خويي هذا اللي فاضي كل ذا الوقت هو في الحقيقة الوالد في العمل عنده صاحبه مصري اسمه حسام فذيك الفترة اللي انا رحت فيها كان هو يقضي اجازته في مصر فاتصل عليه الوالد وطلب منه يسهل الإجراءات فقال له انه له صاحب مصري يدرس مادة فيزياء 3 ثانوي وهو راح يتفرغ لي بسيارته فهذا هو خويي لا حظوا خويي مدرس فيزياء 3 ثانوي في مصر وهو قالي انه انعرض عليه يدرس عندنا في مدارس الجيل الأهلية بمبلغ 1800 ريال فأخونا رفض فسألته ليش فهو قال لي مع انه هنا الراتب حق مدرسي 3 ثانوي 475جنيه (يعني 315 ريال) لكن التقوية اللي يعطيها للطلاب يوصل الراتب إلى 3آلاف ريال أو جنيه أنا نسيت بصراحة المهم انه هالمبلغ أكثر من 1800 ريال فعذا هو سبب رفضه المهم خلكم من خويي وخلكم معاي رحنا ندور في شارع شهاب في المهندسين وبالرغم من انه الساعة 10 إلا انه أكثر محلات الموبايل مسكرة وفي الأخير لقينا واحدة مفتوحة نخرج من موضوعنا ونتكلم عن شركات الموبايل في مصر طبعا في شركتين أساسيتين للموبايل ويقولون راح يدخل أو قد دخل شركة ثالثة إماراتية زي اللي دخلت عندنا (قصدي موبايلي يعني لازم أزبد يعني) الشركة الأولى اسمها فودافون والثانية اسمها موبينيل ماأقدر صراحة أقلكم وش الأحسن هذا من إختصاص المصريين وعلى قولتهم (أهل مكة أدرى بشعابها) المهم انا اخترت كاختيار مؤقت موبينيل لكن راح أغيره يوم أروح علشان أبدأ الدراسة وآخذ فودافون لأن بعضهم قالوا لي أنه أحسن من موبينيل فدخلت الشركة وزين ان كان عندي الشنطة اللي فيها أوراقي لأنهم طلبوا صورة جوازي(علشان كذ طلبت منكم تأخذون لكل شيء 3 أو 4 نسخ احتياط) ورحت وقعدت عند ذيك ............ وراحت تحط بياناتي على الكمبيوتر وبعدين أعطتني مجموعة أرقام علشان أختار منهم اخترت وحدة وعطيتهم إياها وقالت لي نظام الجوال عندهم انهم يعطوك رصيد مبدئي 10 جنيه و ياخذوا رسوم 10 جنيه في البداية يعني كأنهم ما عملو شيء المهم فقالتلي لازم تشتري بطاقة شحن قبل ماتاخذ البطاقة فرحت وشريت البطاقة العجيب عندهم انك تشتري بطاقة من فئة 50 جنيه بمبلغ 57.5 جنيه(أيضا نبغى واحد مصري يشرح لنا) وفي الأخير اخذت الشريحة وبصراحة نظامهم معقد ذاك المرة جيت ابغى اخلي شريحتي يكون فيها تجوال دولي علشان استخدمه هنا فاتصلت عليهم وعلشان يتأكد إني صاحب الجوال بدل مايسألني ايش اسمك وايش رقم الجواز قاعد يسألني متى آخر مرة شحنت وبكم شحنت وهذي الأسئلة(على فكرة راح يطلبون صورة جوازك إذا شريت شريحة) وفي الأخير قال مبروك حطيناها لك ويوم جيت هنا ابي اشغله ماشتغل معي (بصراحة أنا طلبت منهم انه يخلو تجوال دولي لسبب بسيييط وهو انهم حفظهم الله يوم تشحن يزيدون رصيدك ويعطوك مدة شهر وإذا شحن مرة ثانية راح يزيدون رصيدك لكن مايزيدون المدة يعني سوا أحسن بالراحة) المهم ما علينا نعتبر الحين الساعة 11 علشان أفرح نفسي انه باقي ساعتين على الخطاب فقعدنا نتمشى انا وخويي إلى نهاية شارع شهاب تقاطع شارع لبنان ويوم وصلنا قابنا أول حادث نشوفه في مصر طبعا تعرفون الميدان الي في ذاك التقاطع واحد كان متردد يروح يمين ولا يسار (طبعا كانت واحدة من السيارات مصرية الصنع) فهو في الاخير راح يمين وكان واحد وراه(مرسيديس جديدة) رايح يسار فكانالسيارة المصرية على اليسار والمرسيدس وراه على المين و(طاخخخخ آآآآآآآآآآآآآي) ولحسن الحظ الكوبري اللي في شارع لبنان كان فيه مركز شرطة فانحلت المشكلة بسرعة (بصراحة الخدمة جيدة) هناك قلتله بدل ماحنا قاعدين في ذا الشمس خلنا نقعد في السفارة علشان أول مايخلصون ناخذها وجري على إدارة الوافدين (بيني وبينكم أنا كان ودي أروح مكان في بالي لكن بعدين راح تعرفون) المهم رجعنا ولحطونا عندهم إلى الساعة 1 وبعدين أعطونا خطاب القبول ورحنا جري نبي نلحق على ادارة الوافدين قبل مايسكروا فيوم وصلنا ودخلنا الإدارة لقينا غرفتين الأولى كان في 5 من الحريم المصريين من الأحجام العائلية واللي كانوا المسئوولين عن استلام أوراقنا فقلتلهم أنا من السعودية وجنسيتي (........) واني ابغى أدرس طب ونسبتي (97,47) فقالوا ادخل الغرفة اللي جنبنا وخذ النموذج وعبيه وجيبه بكرة لأن الدوام خلص (بيني و بينكم زين انهم قالوا اجي بكرة لأن كان ودي امخخ في ذي الأوراق ) فرحت له وهنا بدأت معي حكايات النصب والإحتيال أترككم الحين وأكمل معكم في عدد آخر بالنسبة للي مافهم الطلبات إما للتأشيرة او التسجيل بالجامعة أو أي شيء ثاني يرسل لي على الخاص .................. أي تعليق