لأن ذوقي في اللون الأخضر كان حلو راح يتغير هذي المرة
السلام عليكم
أكيد أنكم متشوقين أني أكمل القصة
يوم الأحد 23/7/2006 انطلقت من البيت الساعة 12 ووصلت المطار الساعة 12.50 طبعاً المطار بعيد عندنا حول الـ50 كيلو المهم ورحت قاص البرودينج باس ودخلت داخل عند البوابة وقعدنا إلى الساعة 3 اللي كانت في الأساس موعد إقلاع الطائرة (مصر للطيران) ولكن في الساعة 3.30 أعلن أن الإقلاع سيكون 4,30 لأن الطائرة الله يحفظها لنا تأخرت توصل المهم نعتبر نفسنا وصلنا القاهرة بدل ما أسرد الرواية المؤلمة يوم شفت الفرق بين طائرة مصر للطيران و طائرة الخطوط الجوية السعودية وقلت في نفسي المرة الجاية راح أطلع على الخطوط السعودية بدون نقاش
قبل مانوصل القاهرة أحب أقلكم أسعار 3 شركات طيران
الخطوط السعودية 1370 قبل الخصم الرياض-القاهرة
طيران الخليج 1060 قبل الخصم الرياض-البحرين - القاهرة
مصر للطيران 1140 (ما أدري قبل الخصم ولا لا) الرياض- القاهرة
وأنتو تعرفون أنا ليش اخترت مصر للطيران لأن خير الأمور.............
المهم اللي يبي أرقامهم يرسل لي على الخاص حتى ما يزعل علينا الساهر ههههههههههههـ
يوم وصلنا و نزلنا من الطائرة لأن طائرات مصر للطيران مافي ذيك الأنبوبة الي تدخلك على المطار مباشرة عكس الخطوط السعودية وطلعنا الباص اللي يودينا المطار كان زحمة ومامداني اطلع الا عند السواق ودار بيننا الحوار التالي (أول محاولة لأخذ البقشيش أو ماأدري ايش يسمونه هههههه)
السواق:ما شاء الله من وين الأخ
أنا:من اليمن (ماأبغى يدري إني مطخطخ)
السواق : وايش ذا اللي معك انت مغلفها علشان مش عاوز حد يأخذ منها صح أكيد أنك بتهديها لأخ عزيز هنا(ويحاول يمسكها)
أنا : (وبعدتها منه) ايه
السواق: أكيد مادام انك خايف عليها فهي أكيد عسل
أنا: لا موهب عسل هذا رطب يقولون ما في رطب عندكم (واحد من الشباب قال لي)
السواق:من اللي قال هنا عندنا كل شيء
المهم يوم وصلنا المطار ونزلنا وقفني السواق وقال انتظر شوي يوم نزل الناس كلهم قال (ماتديني شيء للعيال يا بيه)
أنا بصراحة تورطت ومادريت وش أقوله لأني ماأحب أكذب لكن المهم اني صرفتها وماعطيته شيء ويوم دخلت المطار ولا لقيت قدامي 5 أكشاك كلها متراصة جنب بعض ودريت إنها بنوك علشان تصرف للجنيه ورحت صارف بعض اللي عندي ودخلت عند الجوازات طبعا كان أول منظر أشوفها فيه مصر واصف طابور ويوم جا دوري أعطيت الضابط الجواز حقي يوم شاف انو الجنسية(...............) قالي ارجع وانتظر أنا بصراحة خفت لأن أول مرة أسافر بلحالي فقمت دورت مكان أتصل منه ورحت سألت واحد إذا يعرف مكان أكلم منه فوداني واحد داخل قريب من الحمام لقيت حرمة تنظف فقال هذي بتعطيك موبايل وانت كلم منه فقلتله طيب بس كم حق المكالمة فقالي الرجال عطها خمسة ريال قلتله أنا الفلوس اللي عندي جنيهات يوم الحرمة درت انه ماعندي ريالات دخلت جوالها وقالت لي مافي تكلم ( أنا أبغى من أي شخص يقرأ هالكلام وهو مصري يشرح لي ليش هي سوت كذا يعني ايش فرقت لو أخذت جنيه ولا ريال)ا المهم بعدين ناداني الضابط وعطاني الجواز وخلاني أدخل المهم واخذت الشنط وخرجت برا ميناء القاهرة الدولي واستقبلني واحد من الربع وخرجنا برا المطار وقاعدين ندور في القاهرة طبعاً الجو كان أحسن مايكون وبالنسبة لي أول مرة أطلع برا السعودية فشفت عالم غير المهم وقاعدين نلفلف ندور فندق وأنا ناشب لهم أبي شريحة جوال قالوا لي خلنا نلاقي لك مكان تسكن فيه بعدين سوي الي تبي وكل ما لقينا فندق قالوا مليان لأن كان وقت موسم وبالأخير لقينا فندق رهيب في ميدان التحرير عند عمر أفندي في شارع طلعت حرب اسمه Sun Hotel بصراحة رهيب انا اخذت غرفة يطل على الميدان مباشرة ومكيفة وفيها دش وحمام داخلي بسعر 150 جنيه في اليوم مع الفطور طبعا الجماعة تركوني وراحو وقالوا بنمر بكرة علشان نوصلك مشاوريك
وبرضه الي يبغى الرقم حق الفندق يرسل لي على الخاص
الحين راح اعطيكم معلومات عن الوصول
الإقلاع 4.30
الوصول 7
خرجنا من المطار 8 (صلاة المغرب)((بصراحة هذا الوقت عندنا الناس قد صلوا العشاء))
وصلنا الفندق الساعة 12.30 بالليل
المهم دخلت الغرفة ورتبت أغراضي وأخذت لي حمام وبعدين نزلت أتعشى رحت أدور مكان زين فلقيت في الشارع الي جنبنا محل يبيع بيتزا فأخذت لي واحدة ب8جنيه يعني تقريباً 5 ريال وبعدين رجعت الفندق ونمت
وبكذا انتهى اليوم الأول
أي تعليق
\\\\\\\\\\