حبيب قلبي أبو حنان ..
موضوعك هذا كسب الرهان .. كيف ذلك ؟ أقول لك ..
في واحد من الزملاء ملتزم الله يثبتنا وياه على الطاعة وحبيب قلب تماماً كما هو قلبك .. المهم كان يسألني بهذه اللهجة ( والله مادري وش أنتم شايفين بسوريا يا رجال ما عندكم سالفه ((((((((( بوه )))))))))) مناطق أحسن من هالديره اللي ذبحتون به ) <<< لا دقق أنا قلتها بلهجته قصيمي بكراتينه جدييييييييييييييييييييييد .. المهم أنا أقول له يا أخي والله فيها طبيعه جنان بس تبي اللي يروح لها ماهو يجلس بالشام ويقول ما شفنا شي؟ .. مافي فايده الرجال بالعربي مكذبني :mad: .. اليوم بالذات من صباح الله خير أول مرة أجي بدري للدوام ؟؟
؟؟؟: العيون مفنجله كبر ذولي >> :eek: مشتاق أشوف رفيقنا احتريته ساعه ساعتين يا ولد الرجال ما هو فيه وش السالفة ؟؟ سألت الزملاء قالو الرجال في سوق التمر راح يشتري برحي وسكري وخلافه طبعاً هذا وقته ( ومثلك خابر التربية والتعليم وقع حضور ووداع حتى حلول الإنصراف المهم ما علينا .. دقيت عليه جوال بالفعل الرجال جاء وقلت له هاه لا زلت مقتنع إن سوريا ما فيها شي قال أنا ما أعيد الكلام هي كلمتي الأولى وبس قلت له : طيب وإذا أثبت لك بما لا يدع مجال للشك وش تقول ؟؟ قال : إذا فيها خضرة مثل ما وصفتها لي ترى العشاء علي يا شباب . هو قال عشى الشباب بدو من على الكراسي يتلوُّون وواحد منهم الظاهر لو تحط له كبسة رز الفجر شمر عن ساعديه يعز الرز الله لا يبارك فيه فضيحه ومن هذي اللحظة حتى خروجنا من الدوام ووجه مسوي كذا >>>
عارف ليه مطلع سنونه والمنقاش مجهزة من الحين الدعوا فيها كبسه:rolleyes: . المهم شاف الصور والله والله والله يابو حنان الرجل ذُهل عارف وش معنى ذُهل قال ياالله معقوله سبحان الله العلي العظيم يا أخي مافي بيننا مسافات شوف أرضنا كيف وشوف أرضهم كيف سبحان الله .. عاد أنا مسوي نفسي فاهم قلت عادي يا أخي وين وجه الغرابة فيه شوف بعد مكه عن جده ومع ذلك مكه فيها الحرم وجده يخلف الله مافيها ;) << مسوي نفسي فاهم .. تراها مزحه لا الحين الشباب يصدقون . المهم الرجال ما قصر عشَّانا أنعم الله عليه وأنعم الله عليك ــ يا ابو حنان ــ لأنك السبب بعد الله في هالعشوة لأنك أتحفتنا بهالصور اللي نقلت حلم الطبيعة إلى حقيقة الطبيعة في عقول المهجرين ذهنياً عن تلك المناطق الرااااائعة .. أما صاحبنا ( الدب
) اللي مولم منقاشة هذا سلمك الله قاعد يحترينا من العصر في البر .
تحياتي لك ...