[رحال جدة]

حبيبي انا بقولك اللي اعرفه لاني امتلك مثلها ...

1 / الكاميرا العادية يعني الاختيار الاول تصور تصوير عادي وصافي ورائع للمناظر العامة ..

2 / الكاميرا المايكرو M هذه فيها مواصفات اكثر من رائعة منها :

امكانية تحديد الالوان .. من الاختيار Func.set ثم تروح مرتين يمين وراح تلاقي رمز على شكل ( قطاره ) بجانبها حرف A ,,

وبهذا الاختيار لك امكانية تحديد الالوان في الصورة ( يعني الكاميرا بتختار لك شئ معين ملون والباقي ابيض وأسود ) ..

.....

وبجانب الخيار السابق في نفس الرمز ( القطارة ) ولكن حرف B .. وهذا الاختيار طال عمرك لتبديل الالوان يعني تقوم الكاميرا تحديد شئ في الصورة وتغير لونه وفي الغالب للون الاحمر ..

.....

3 / اما الاختيار الثالث هو SCN فهو متعدد المزايا داخله ومنها :

الاول بيجيك التصوير الطولي وهو افضل اختيار للزوم او التقريب

الثاني بيجيك التصوير الليلي يعني اذا تبي تصور في الليل ..

الثالث بيجيك تصوير الاطفال او الحيوانات ( اكرمكم الله ) يعني على حسب وضعك وقت التصوير ..

الرابع بيجيك داخلي بس بصراحه مافهمت وش هو ..

الخامس بيجيك وضع تصوير اوراق مثل اوراق الشجر .. الكتب .. الملفات .. بيمشي معاك ..

السادس بيجيك الخيار في التصوير وقت الثلج يعني لو رحت امكان ..ثلجية بيعطيك دقه كبيره وعاليه ممتازه جدآ ..

السابع بيجيك التصوير وانت ع الشاطئ في البحر بيعطيك وضوح اكثر من رائع ..

الثامن بيجيك تصوير الالعاب النارية يعني راح تنبسط في تصوير اي العاب نارية بدقة رائعة ..

طبعآ الاختيار التاسع ( للتصوير تحت الماء ) بإمكانك التصوير داخل الماء ولكن يوجد غطاء خاص للكاميرا يمكنك شراءوه عن طريق النت لانه لايتواجد هنا عند الوكيل سألت عليه قال ابدآ مو موجود ..!!


العاشر اختيار ( ISO ) وهو اختيار اعتقد لدقة وضوح الكاميرا ( وينصح عدم اللعب فيه ) ..

.................

طبعا الاختيار الرابع هو للتصوير الفيديو ..

وفي اي وقت حبيت تصور فيديو ماعليك الا انك تحط على ايقونه كاميرا الفيديو وتمتع بتصوير عالي الدقة ..


...................


هذا اللي قدرت عليه والله .. واعذرني ع القصور ..

وألف مبروك على زواجك مقدمآ .. ومنك المال ومنها العيال ..

والف مبروك ايضآ ع الكاميرا .. ومنك الرحلات ومنها الصور


تحياتي .. ياسر