[ghamas3f]

المشاركة الأصلية كتبت بواسطة قطريه في سفاري

بسم الله الرحمن الرحيم ..

يعطيك العافيه أخي الكريم على المجهود الرائع ...


ولكن .لاعت كبدي من سالفة البريعصي أو الوزغ ....بناقز مكاني شسالفتهم ...شكلي ماراح أروح لنكاوي وبيننغ والسبه هالوزغ !!!!!!!!!!!!!!!!


باموت رعب وماراح انام واذا مشيت بتم أتلفت يمين يسار .....

وبكره اليوم اللي رحت فيه هالجزر ........

طيب شنهو الحل ..؟؟؟؟

عندي كم سؤال بالنسبه للسكن ...

بإذن الله بنسافر أنا وزوجي وعيالي ال 5 ..أصغر واحد فينا عمره 6 سنوات وشهرين ..

...5-7 كوالا ليله و 6-7 الذهاب الى لنكاوي

كوالا ..السكن في برجايا تايم سكوير

انصحك تغيري برجايا سكوير بشقق أسكوت او ديربي بارك لأنها افخم واحلى وبصراحه سعرها غالي مره وتلاقينها على الانترنت ماتتعدى 750 ريال

غرفتين و صاله ...الليله ب 1200 ريال ..أغلى من داربي بارك ...

السؤال ..ليش محد يمدحهم ..؟؟ يعني مافيها شي يفتح النفس كلش..؟؟ كرهتوني فيها قبل لا أسكنها ..!!!

مشكلتهم الزحمه والضغط عليهم لأن موقعهم ممتاز
وأيضا الصيانه عندهم أي كلام عشان كذا تلاقي شققهم مستهلكه مع انها اجدد من اسكوت والديربي
...................

لنكاوي ...6-7 ،،، 7-7 ,,, 8-7 .... 3 ليالي

الفورسيزن ...و شيراتون لنكاوي ... و بيلانجي بيتش ....و ويستن لنكاوي ...

شنهو الأفضل فيهم وأيش اللي مافيهم وزغ وبريعصي يااااااااااااااااااااااااااااااااااااااااااااع بموت رعب أنا وبناتي

طبعا مافي مقارنه اطلاقا بين ماذكرتي وبين الفورسيزن لانه الافخم لكنه غالي ويكلفك فوق ال2000 ريال للغرفه
اما الباقيين فويستن هو الافضل بينهم ومافيه وزغ مع اني احب بيلانقي بيتش لكن مشكلته الوزغ ولو بروح لنقكاوي بسكن فيه واتصبر على الوزغ

دائما السكن اللي عباره عن اكواخ مثل بيلانقي بيتش لازم تلاقين فيها وزغ
وهل الفور سيزن فيه شاليه على البحر على طول ...؟؟ وكذلك شيراتون لنكاوي ....

ايه كلهم فيها شاليهات على البحر
بيلانجي بيتش شكلي باشله من القائمه لوجود الوزغ فيه ...

أهم شي الوزغ ...؟؟؟؟؟؟؟؟؟؟؟؟؟؟؟؟؟

.................................................. ...


بالنسبه ل بيننغ .. ليلتين ... 9-7 ,,, 10-7 ..

رشحت له كل من ..

-شانقريلا راسا ساينق .....و شنجريلا جولدن ساندز....و رويال بارك ....


(( شنهو أختار )) الأفضل من حيث جميع المميزات

قربه من الشاطي ..الشاليه والجاكوزي ..الفعاليات ...؟؟؟؟

كلهم على الشاطي لكن شانقريلا راسا ساينق الافخم وبارك رويال فيه نشاطات بحريه اكثر
انصحك بهما
هل من مقترحات أخرى........؟؟؟

أهم شي الوزززززززززغ ..يجعله الهم ...احاتيه من الحين ....

.................................................. ................................

الرجوع إلى كوالا بتاريخ 11-7 ...إلى 18-7 ...

والسكن في برجايا تايم سكوير ...

.................

سؤال ..أين يقع شاينا تاون ... وأهم النصائح ..وجزاكم الله خير الجزاء ..

ههههههههههه
لاتخافين من الوزغ والمثل يقول "اصغر منك كله"

من جد ابعدي عن الاكواخ وماراح تشوفي الوزغ بس لاتفوتك لنقكاوي ترى والله حلوه وتستاهل الزياره