[مس ورد الخد]

السلام عليكم.
لم يكن القصد من نقل الموضوع الانجراف بعيدا ولم يكن المقصود ايضا من المقال. السبب الرئيس بنظري لطرح الموضوع هو عزوف العوائل الخليجيه عن السفر للمغرب والسبب هو عدم وجود برامج سياحيه تخدم السائح الخليجي لذالك نجد الارتجاليه في تنظيم الرحلات العائليه وارتفاع تكاليفها. بالسابق كانت تكلفني السفره للمغرب مبالغ خياليه من سكن ومواصلات وايضا تذاكر الطيران. الحمد لله الاطفال اقل من 10 سنين وتذاكرهم بالنصف ولا كانت علوم. بعد عنا وعرف وسايط اقدرت اوفر النصف من قيمه التكلفه وهو عن طريق السكن . صرت اسكن بنفس الفيلا كل سنه ونفس الوقت واذا تاخرت عن الموعد اسبوع والله يتغير السعر بشكل مو معقول. وش سوت شركات الاسفار الماليزيه, عروض بالهبل لجميع فئات المجتمع. بالمقارنه وش سوت وكالات الاسفار المغربيه او الخليجيه , ولاااا شيء. بالعكس ممكن احجز من المغرب ارخص لو حجزت عن طريق الوكاله.
السائح الخليجي او بالاخص السعودي يحتاج الي برامج وعروض سياحيه .
من كثر لوحات دعايات ماليزيا للسياحه اللي عندنا افتر راسي. بكل زاويه وبكل شارع. المغرب ما عمري شفت ولا سمعت اي اشهار عن السياخه المغربيه.
عموما كلنا نطمح للمزيد وسواء عملو دعايه او لا حب المغرب ووهجه لن يئفل. وشنط اولادي جاهزه حق السفره الجايه

دمتم بود