(صبح صبح ياعم الحج )صحينا بدري وعلى طول رحت للبلكونه والجو كان خيال ومنظر النيل ررررررررررروعه والناس زحمه والعربيات (بيب بيب) انواع البواري وكلو مبسوط وهذي صوره لاحلى صباح من الدور 19 ونزلنا تحت افطرنا بمطعم الفندق وكان بوفيه راقي وحلو وبعدها انطلقنا الى القلعه الطريق الى القلعه القلعه وصلنا القلعه بس تعبنا قبل ما نوصل للبوابه درج طويل تكسرت رجولنا واما ابو الشباب راح فيها مسكين نحف 3 كيلو من المشي دخلنا وتجولنا وكان في كثير من قروبات السياح الاجانب ولقينا مرشده وكانت جدا رائعه وشرحها وافي وتعرفنا على اشياء بحياتي ماكنت اعرفها عن القلعه ومسجد محمد علي باشا وبصراحه هذة المرشده كلن يمدحها اللي يقول معكم احسن مرشده والله الاستازه مافيش زيها وفجاءه صاررررر موقف تخيلو المرشده بوم ائ اي طاحت على وجهها مسكينه كسرت خاطري وهذي صوره للقاهره الفاطميه وكملنا جولتنا بالقلعه و هذي الصوره لسجن القلعه ( الله يكفينا شره ) وطلعنا من القلعه وكنا جوعانيين تعرفون جا وقت الغد فكرنا وين وين نروح قلنا ليش مانضرب عصفورين بحجر واحد ونروح للازهر بارك ونتغدا هناك ( احلى عائله ماعندها وقت حامي حامي ) وطبعا تعرفون الازهر بارك قريبه جدا من القلعه دخلنا الازهر بارك وعلى طول على المطعم والحمدلله اتغدينا واكلهم حلو وهذي صوره للمطعم تمشينا بالحديقه وبصراحه حلوه مره وانصحكم بزيارتها اعجبني هذا المنظر للقلعه من بعيد من الازهر بارك وانتهينا من الازهر بارك ورجعنا الفندق ارتحنا وانطلقنا من جديد ورحنا لفندق جراند حياه وتوجهنا للمركز تبعه وصعدنا الدور الثاني وطلبنا كوفي وبعده حضرنا فيلم ( هي فوضى ) واستمتعنا وبعدها رحنا لباخرة الباشا واتعشينا هناك والجلسه حلوه وخدمتهم ممتازه واكلهم برضو حلو (واحد شاي كشري وصلحوووووووووو) ولـــنـــا عـــــوده