مــــرحــبـــــــا من فتره وانا اتصفح هذا المنتدى الرائع وبصراحه اعجبني كثير خصوصا انه يتعلق بالسفر والسياحه وانا اموت بشي اسمه سفر ( احلى بن بطوطه على غفله ) وعشان كذا اسعدني ان انضم الى اسرة سفاري واكون احد اعضاءها فحبيت ابدء باول مشاركه لي وهي رحلتي انا وزوجي العزيز الى القاهره وانشالله تعجبكم !! خط سير الرحله الدمام - القاهره تاريخ الرحله 7\1\2008 - 16\1\2008 النــــــــــاقـــــــــل سعر التذكره 1420 ريال للشخص الواحد قـــبـــــل الــــســـفــــر وهذي من داخل مطار المللك فهد والحمدلله ركبنا الطياره واقلعت بالوقت المحدد ولحسن حظي جلست جنب الشباك والطياره كانت فل اغلبها مصريين يعني دخلنا جو مصر من بدري والله وفي واحد جنب زوجي مصري بس فله ويضحك والاخ يطقها سولاف مع زوجي وشوي يسولف مع المضيفه وشوي مع واحد مصري ومره مع الحجه اللي قدام وحالته حاله هو كبير شوي وفيه لاقافه بس دمه خفيف وهذي احلى ميزه بالشعب المصري ومسوي جو بالطياره ومر الوقت وماحسينا الا اربطو الاحزمه سوف تهبط الطائره وخذيت لي كم صوره على الطاير وهنا القاهره وصلنا بالسلامه لمطار القاهره وخلصنا الاجراءت وكان بستقبالنا( حسن) السواق و طبعا كنا متفقين معه من السعوديه وطولنا بالطريق صدق ( زحمه يادنيا زحمه ) بس كنا مبسوطين وصلنا للفندق رمسيس هيلتون من داخل الغرفه وهذي الصوره للمركز تبع الفندق يقع في المقابل حلو وفيه مطاعم ومحلات تجاريه ودور عرض سينما وبــــكـــره نـــبــدا جـــولـــتــــنــــا بــالــقــاهــره