[samsoma]

مرحبااااا جميعا .. اليوم تقريري حيبسط الأطفال .. وبما إنه الأطفال في إجازة وحرانين بينبسطوا معايا اليوم

البارح جدة حطمت الرقم القياسي في الحر والرطوبة

صرت أحمم بنوتاتي كم مرة باليوم عشان ينعنشوا

وبنوتتي الصغيرة عاجبها الحال ماتبغى تخرج من الموية ..

قلت بنفسي مابدهاش .. بأوديهم على روائع المكتبات

عارفة بتسألوني وش دخل روائع مكتبات بألعاب مائية .. وأنا ليومكم دا نفسي أقلهم يغيروا إسمهم لأنه مافي علاقة

أول شي بأعطيكم نبذة عن روائع المكتبات ..

هي مكتبة + أثاث وتحف إيطالية + قاعة حفلات للأطفال + أركان تعليمية لأطفال

المكتبة عبارة عن قرطاسية راقية .. يعني تبيع دفاتر وأقلام وشنط بس ماركات أمثال كاشاريل وفالنتينو .. إلخ

أروع قسم بهالمكتبة هي الالعاب المائية .. وبصراحة شي مرتب ومتعوب عليه

تعالوا خلونا نشوف .. بس بشويش عشان لا تتزحلطوا .. أعذروني على ردائة الصور .. أخذت كاميرة أخوي والاوبشن حقه مرة مختلف بس مشيت حالي .. وانتوا كمان مشولي هي



من برا على طول سور الحديقة بتشوفون هالأشكال المعمولة من الموزاييك .. حلوة صح






هذا مسبح الصغار .. آمن ومابيتعدى نص رجولهم .. بنوتتي عمرها سنة واربع شهور وتلعب بيه .. يعني لا تخافوا





برضه مسبح للصغارين بس بزحليطة حلوة

[IMG][/IMG]



أما الكبار لهم حظ حلو من هالحديقة .. أمواج إصطناعية جميلة





وهالزحليقة العملاقة .. على فكرة في رجال كبار يسبحوا مع أولادهم

[IMG][/IMG]






إن شاء الله نعنشتوا مع الموية ..

الحديقة تقع في شارع الأمير سلطان ..

رسوم الدخول للكبار وللأطفال 60 ريال .. حتى الدادة حق بناتي دفعتلها 60 ريال

أنتظروني في القسم الثاني .. أركان التعليمية والكوفي شوب

تحياتي