السلام عليكم ورحمة الله وبركاته اخواني واخواتي هالمرة ييتكم بتقرير يديد وفريش مركز دبي فيستيقال سيتي كالعادة ام شيخه نست كاميرتها هالمرة بالسيارة.... وموبايلي رفيق دربي ما قصر في البداية هذا موقع مدينة دبي فيستيفال سيتي (( مدينة دبي للمهرجانات)) اذا ما خاب ظني اعتقد مساحة هالمدينة 4 كيلومتر... والمدينة هذي لمجموعة الفطيم ... وتضم مول كبيييييييييير.... ووكالات سيارات ... وفنادق ....وشركات ... ومدارس... واشياء كثيرة Dubai Festival City :: World Class Waterfront Lifestyle Resort احدى بوابات المول.... طبعا ما دشينا من البوابة الرئيسية... بوابة تويز ار اس على طول ... حق الخساير والصرف المحلات في المول النافورة العجيبة اخيرا حصلنا شي ينفع للرياييل وقت الغدا... الجوع ذبحنا تشيليز الطلبية وصلت حياكم بعد ما قضيت عليه.. مع اني شبعانة اللهم لك الحمد بس ما اعرف ليش آكل!!!! الطلعات اللي فيها لمة وجمعة .... كلها تكون أكل في أكل (( كأن ما شايفين خير)) مطعم صيني .. ذكرني بمطاعم تايلاند... والاطباق تتحرك وتوصلك الطلبية .. الخدامات استانسو قالو نبا هالمطعم .... تذكروا بلادهم واكلهم وريحة اهلهم عاد انا يا حبي لجلسات الكوفي شوب مع خواتي الصراحة مب حاسين بجوع.... بس ما نعرف لازم ناكل 24 ساعة شغالين أكل... بعدين عيب يالسين في الكوفي ما نطلب صح؟ انا تراني ما طلبت غير كابتشينو... أحلى شي الآيسكريم في هالكوفي من شفت الايسكريم.... تذكرت تايلاند... حنيت لها أكشاك في ممرات المول للبيع قوالب للكيك والنتيجة هالكيكات موبايلات رائعة بكريستالات سواروفسكي الموبايل هذا صج صج راااااااااااااائع... كنت ابا اسأل عن سعره... بس ما شفت حد اسأله وكنت مستعيله .. يعني عادي اذا تبون تسرقون محد يشوفكم ههههه نطلع الحين للجلسات الخارجية تابعونا