صفحة 1 من 2 12 الأخيرةالأخيرة
النتائج 1 إلى 10 من 19

الموضوع: طلب التقديم على الفيزا الامريكية

  1. #1
    مسافر مشارك
    تاريخ التسجيل
    Apr 2007
    المشاركات
    116

    طلب التقديم على الفيزا الامريكية


    الاخوان الكرام
    السلام عليكم ورحمة الله

    كما هو معروف أن طريقة التقديم للفيزا الامريكية تتغير من فترة لأخرى ، انا قدمت طلبي يوم الخميس 2 أغسطس وحبيت اوضح الطريقة.

    أولا: المتطلبات

    1- توفر جميع البيانات المطلوبة لديك ( بياناتك الشخصية ، معلومات جوازك ، عنوانك الشخصي وأرقام الاتصال ، عنوان موقع عملك / مدرستك ، عنوان الاقامة كامل في امريكا ، ....)

    2- توفر اتصال بالاترنت + طابعة.

    3- توفر بطاقة كردت كارد سارية المفعول ( سوف تستخدم بالتقديم)


    ثانيا : الطريقة

    1- فتح موقع السفارة الامريكية بالرياض وقرائة الصفحة الاولى التي غالبا ما تبين كم ستكون مدة الانتظار قبل الحصول على الفيزا.

    2- بعد التأكد من قراءة التحديثات حول مدة الانتظار ( حيث انها تتحدث وفقا للزحمة ) ، يتم بأسم الله فتح نموذج التقديم الالكتروني لبدء التعبئة ( أحب ان اوضح هنا ان الأسئلة الموجودة هي ذاتها الأسئلة التي كانت بالنموذج الورقي ، انما الموضوع مجرد تحول من التقديم الورقي للإلكتروني)

    3- بعد التعبئة وتكامل النموذج ( يتم التأكد من عدم وجود اخطاء ألكترونيا) يتم الضغط على زر استمرار الذي بدورة يقوم بعرض ماتمت تعبئتة من قبلك الى نموذج ظاهر ويطلب من تأكيد البيانات ومن ثم يطلب منك طباعة الطلب ( انت بدور اطبع النموذج بالطابعة وكذلك حول الصفحة الى Pdf علشان تحفظها عندك.

    4- الان يتم تحدي موقع للمقابلة ، حيث تبدأ هذه الخطوة بشراء ما يسمى PIN وهو رقم طويل يوضح انك طلب الحصول على موعد للمقابلة ، وطريقة الحصول على هذا الرقم هو بفتح ملف خاص لك لدى الموقع لديهم تقوم بداية بتعبئة اغلب البيانات التي قمت بتعبئتها بالنموذج الاساسي بالاضافة الى طلب بريد الكتروني خاص فيك مع رقم سري ...... بعد ان تتم عملية التسجيل هذه يتم دخولك بأسمك ورقمك السري .. وقتها يطلب منك ادراج تفاصيل بطاقتك علشان يصدر لك رقم PIN .. الرقم هذا يكلف 45 ريال ( هذا ماله دخل برسوم الفيزا ترا)

    5 - بأتباع الخطوات التي ستكون أمامك ... سوف يظهر لك Calender ، تقوم بتحديد يوم المقابلة المناسب لك ( اللون الاخضر هو المتوفر ) وسيتم تحديد الوقت اتوماتيكيا.

    6- سوف يتم رسال تأكيد لتاريخ ووقت الموعد عن طريق الايميل التي قمت انت بوضعه بالخطورة رقم 4 ، كذلك يطلب منك طباعة هذا التأكيد وحفظة عندك حتى وقت الموعد.


    هذا بأختصار الطريقة ، مع ملاحظة احضار التالي وقت المقابلة

    1. جميع الأوراق التي قمت بباعتها وقت التقديم ( وأهمها النموذج نفسه مدبس او ملصق به صورة شخصية لك مقاس 5*5 مقاس غريييب جدا)
    2.تعبئة النموذج الاخر ورقيا ، وهو النموذج في حال كون عمر المتقدم مابين 16 والله مدري كم مدري 70 او 80 سنة.
    3.كشوفات حساب البنك لديك.
    4. تعريف عمل.
    5. خطاب دعوة في حال وجود دعوة.
    6. اصل جوازك الحالي مع الجوازين السابقين للجواز الحالي ( يالله دورهم عاد)

    وبكذا غالبا انتهت طريقة التقديم والمتطلبات اللازمة للمقابلة ، وبالتوفيق للجميع.


  2. #2
    مسافر فعال
    تاريخ التسجيل
    Aug 2007
    المشاركات
    276

    تسلم اخوي على هذي المعلومات المهمه ....... الصراحه ابدعت...

  3. #3
    مسافر مشارك
    تاريخ التسجيل
    Apr 2007
    المشاركات
    116

    السلام عليكم جميعا يا اخوان

    إكمال للجزء الأول من طلب التأشيرة الأمريكية ، الحين راح اشرح تفاصيل اجراءات المقابلة الشخصية ( مثل ما صارت معي قبل كم يوم)

    أولا : الموعد
    طبعا مثل ما شرحنا انو الموعد تاخذه وقت تقديم الطلب على الانترنت واللي غالبا مايكون الساعة 7ونص او 8 او 8 ونص.
    الشي المهم هنا ، انو لوجيت بدري وصفيت بالسرا تدخل حتى لو كان موعدك الساعة 8 او 8 ونص.

    ثانيا: المتطلبات
    طبعا المتطلبات مثل ماهم موضحينها بالموقع بس بأكد عليها.
    1- النموذج الاساسي كامل وموقع عليه.
    2- النموذج الثاني رقم 157 ويكون كامل ( النموذج هذا فيه سؤال يقول عدد الدول اللي صدر لك منها جوازات سفر ، طبعا الواحد متوقع يخليه فاضي ... لا ... لاتخليه فاضي واكتب فيه المملكة العربية السعودية).
    3-الصور ... وما ادراك ما الصور ... لااازم تكون على حسب المطلوب ، يعني المقاس والخلفية لاني بصراحه شفت كثار رجعوهم علشان الصورة.
    صور الحريم ، نفس المواصفات بس اعتقد انهم يطلبون تكون الصورة ظاهر فيها مقدمة الشعر .. (طبعا هذا حسب ماشفته قدامي والا انا راح لحالي ما معي حريم ولا يحزنون).
    4- صووووورة من نموذج التسديد لرسوم الفيزا اذا كان من البنك مباشرة ، اما تسديد النت فلازم يكون الوصل مطبوع.
    5- بقية المتطلبات ( تعريف العمل ، كشف حساب ، الجوازات السابقة )
    6- صورة من الصفحة الاولى لجواز سفرك الحالي.
    7- خطاب الدعوة في حال وجود خطاب.
    8-صورة من تأكيد الموعد حسب ماتم طبعه وقت تقديم الطلب بالنت ( خلي الورقة هذي اول شي ).

    ملاحظة:
    فيه اشياء مايهتمون فيها ، يعني لو انك جايبها راح يطلعونها من الاوراق ويقولون لك خلها معك وهي
    كشف الحساب ، الجوازات السابقة.

    ثالثا: الموقع
    يكون في مقر السفارة بالحي الدبلوماسي والوصف كالتالي:
    تدخل من المدخل الرئيسي لحي السفارات وبيجيك دوار على طوول بعد المدخل تروح منه طوالي ثم بيجيك دوار ثاني تروح برضو طوالي ، الدوار الثالث تروح منه يمين ( اسم الشارع : البلخي) ... بعد ماتدخل يمين من الدوار تمشي شوي بيجيك دوار تروح منه طوالي ... بتمشي شوي وقبل ينتهي فيك الشارع بتحصل مدخل لساحة مواقف سيارات على يدك اليسار خش منها .. هذي مواقف السفارة الامريكية.

    رابعا: الاجراءات
    طبعا بعد ماتنزل من السيارة وتمشي راح لمبنى السفارة راح يبان معاك سرا لناس صافين قبل مدخل السفارة ، السرا هذا يعتمد عاد انت وحظك لو ذاك اليوم زحمة والا خفيف.
    السرا هذا يوصل عند موظفة جالسة على كرسي وقدامها طاولة ، هذا اول تشيك للأوراق ، غالبا ماتسأل شي ، ولو كل اوراقك تمام تمشي شوي وتوصل عند شباك قزاز هذا برضو يشوف اوراقك على السريع وياخذ منك لو معك اي اجهزة ( تلفون جوال ، مفتاح باب ريموت) ويحطها بظرف ويسلمك الظرف.
    بعد كذا يفتحون لك الباب ( هذا اول مدخل لداخل السفارة الحين ) ، هنا فيه تفتيش يعني تحط كل اللي معك الله لايهينك بالجهاز مع الحزام زالجزمة او النعال تكرمون وتحط الظرف اللي فيه جوالك ومفتاحك الريموت.
    بعد كذا تدخل بالجهاز الاشعة اللي زي المطارات وبعدين تاخذ حاجاتك بأستثناء الظرف اللي فيه جوالك ياخذونه منك ويعطونك طرف الكرت اللي مدبس فيه وفيه الرقم.

    ملاحظة: لا تستانس وتربط الحزام او الجزمة لانو فيه تفتيش ثاني.

    بعد كذا تمشي بساعة مفتوحة من فوق لين توصل لباب يجي على يدك اليمين نوعا ما ، تدخل بتلقا تفتيش بتعيد نفس السالفة.
    بعد التفتيش بتلقى باب على يدك اليسار بزاوية حادة للخلف ، تدخل من الباب بتحصل ناس جالسين من اول الباب ، لا تنخم مثلي وتجلس ... لا .. امشي على طول قدام لين يجيك سكيرتي عند ماكينة ارقام وهو اذا شافك بيعطيك رقم ، الحين تجلس مكانك او ترجع ورا شوي وتجلس مع العالم.

    ملاحظة : بالمكان هذا يوجد واحد يبيع شاهي وقهوة واشياء خفيفة ، بالاضافة لوجود دورات مياة للرجال والحريم الله يعزكم.

    اذا جا رقمك ( السكيرتي راح ينادي بصوت عالي على مجموعة ارقام كل فترة) راح تدخل لغرفة عند ماكينة الارقام هذي وبرضو تجلس فيها لين تشوف رقمك على الشباك ( فيه حوالي 3 شبابيك ، اثنان منهم الاول والثاني من اليمين هم اللي شغالين ، الاخير هذا شغلته ثانية بقولكم عليه بعدين.
    اذا جا رقمك تقوم وتقدم اوراقك ورقمك ، بيشفون الاوراق ويرجعونها ، غالبا هنا اسئلتهم خفيفة او حتى مايسئلون ، بس بعد المراجعة يعملون تأشيرة على النموذج ويرجعون يعطونك اوراقك ... بعد كذا ترجع لنفس السيكيرتي عند ماكينة الارقام وتقوله اعطيني رقم للمقابلة ( يختلف عن الرقم السابق) بعد مايعطيك الرقم ترجع للشباك الاخير ( اللي اقولكم عليه على اليسار ) وتوريه رقمك وتعطيه الاوراق ( هذا بياخذ الاوراق)
    بعد كذا تطلع برا الغريفه هذي وتروح يمين ( اخر السيب ) بتحصل الناس تنتظر بتجلس معهم لين يجي دورك للمقابلة.
    اذا جا رقمك بتقوم وتروح للشباك اللي عنده رقمك ( كما هو موضح بالشاشة) بتحصل اوراقك سابقتك لعنده ( فيه رجال وحرمة عاد انت وحظك ) ... انا عموما احب اللي يسألني يكون رجال احسه ارحم من الحرمة شوي.

    الحين عاد ياجماعة الخير اذا جا دورك وش بتسسسوي ... انا اقولكم

    اول شي اذا وقفت قدامة ( بينكم قزاز ) بيقولك حط اصابع يدك اليسري ( اربع اصابع فقط بدون الابهام) على جهاز البصمات ( الجهاز شفه جمبك على اليسار ) ، خلي اصابعك جمب بعض لا تفرقهم..... بعدين بيقولك حط اصابعك لليد اليمني ( نفس الحركة ) بعدين تحط الابهامين مع بعض على الجهاز وبكذا تكون خلصت تبصيم.

    الحين بيقولك ارفع السماعة اللي معلقة على يدك اليمين ، ارفعها علشان تمسعه ويسمعك .. الحين بيبدا يسألك
    الاسئلة اللي سألنياها هي
    1- ليه رايح امريكا
    2- من تعرف هناك
    3- كم بتجلس
    4- وش طبيعة عملك ( انا رايح تبع الشغل)
    5- وش البلدان اللي رحتها قبل كذا
    6- هل سبق وان رحت سوريا ، اليمن ، العراق ، .....
    7- ليه رحت البلد المعين هذي هل شغل او دراسة او سياحة ؟ ( ويختار بلد من البلدان اللي انت كاتبهم)
    8- من بيدفع لك ثمن سفريتك

    لاااااازم تكون اجاباتك واااضحة وصريحه مافيها يمكن ومايمكن

    بعد كذا هو بيقرر وضعك ، انا قالي وضعك شكله اوكي واعطاني كرت ازرق وقالي تاخذ اسبوعين تقريبا وراح نتصل عليك ، تقدر تجي انت او اي احد معه الكرت يستلم الجواز بس يكون بعد الياعة 1 ظهرا

    بعد كذا يقولك روح للشباك الاول ( رقم 4 ) وادفع 27 ريال رسوم الاستامب ( هذا كلامهم) طبعا انت بتروح وبتدفع وبيعطيك وصل
    ملاحظة : الرسوم هذي انا دفعتها وصاحبي اللي قبلي بيومين ماقاله ادفع شي.

    بعد كذا تكون غالبا خلصت الا من شي واحد ، اذا كان ماودك تجي مره ثانية وتستلم جوازك ، شف على يسارك دسك صغير مكتوب عليه فديكس ( التوصيل السريع) اذا تبي تعبي الطلب وتعطيه الكرت الازرق وتدفع له 75 ريال وهم يوصلونه لك ( تقدر تحدد اقرب فرع فديكس لبيتكم وتقوله ابي استلمه من الفرع الفلاني ).

    وبكذا تكون خلصت ، ترجع من نفس الطريق اللي جيت منه واذا وصلت برا تروح للشباك القزاز وتعطيه الكرت الاحمر اللي فيه رقم المظروف اللي فيه جوالك ومفتاحك ، تاخذه وتقول لهم باي بااااي


    اسف اني طووولت عليكم وشرحت بشي من المللل بس كان لازم اسوي كذا لان اللي يروح ويعرف وش يسوي وش راح يسألونه يكون متهيئ اكثر

    اذا فيه اي استفسار انا جاااهز


    ملاحظة عامة :
    1- عادي تجيب معك جريدة او مجلة او حتى كتاب لان الوقت يكون طووويل.
    2- خلي مفاتيحك الاضافية واغراضك بالسيارة افضل.
    3- حاول تعطي الاهل او اي احد متوقع يتصل عليك خبر ، لانو ماراح يكون عندك جوال واحتمال احد يتصل يبغاك ويلقى جوالك مسكر.
    4- خذ معك صورة شخصية اضافية او حتى 2 احتياط
    5- خلي معك فكة لو بغيت شاهي او كروسان وعلشان رسوم الاستامب بعد.
    6- الموية مسموحه تكون معك ليين قبل دخولك السفارة ، ممنوع اي سوائل.
    7- شناط الحريم مسموحه بس بيفتشونها.

  4. #4
    ©؛°¨°؛©][عضو مجلس إدارة سابقاً][©؛°¨°؛© الصورة الرمزية kfshman
    تاريخ التسجيل
    Oct 2006
    الدولة
    saudi arabia
    المشاركات
    22,110

    جزاك الله خير داندي و شكرا لمجهودك

  5. #5
    مسافر مشارك
    تاريخ التسجيل
    Apr 2007
    المشاركات
    116

    تم بحمدالله وتوفيقة أستلام الجواز وعليه ختم الفيزا لمدة سنتين
    العملية اخذت اقل من اسبوعين ( تقريبا 10 ايام )

  6. #6
    عضو
    تاريخ التسجيل
    Mar 2006
    المشاركات
    13

    عندي سؤال

    السلام عليكم وجزاك الله خير

    ابيك تعلمني كم المدة الي اخذت من يوم مارسلتلهم الين ماخذت الفيزا

    وابي اسالك كل انواع الفيزا بنفس هذه الطريقة ؟

    انا ابي اسافر عشان اعيش هناك نفس الطريقة او غير ؟



    وشكرا لك .

  7. #7
    مسافر جديد
    تاريخ التسجيل
    Dec 2006
    المشاركات
    15

    4- الان يتم تحدي موقع للمقابلة ، حيث تبدأ هذه الخطوة بشراء ما يسمى Pin وهو رقم طويل يوضح انك طلب الحصول على موعد للمقابلة ، وطريقة الحصول على هذا الرقم هو بفتح ملف خاص لك لدى الموقع لديهم تقوم بداية بتعبئة اغلب البيانات التي قمت بتعبئتها بالنموذج الاساسي بالاضافة الى طلب بريد الكتروني خاص فيك مع رقم سري ...... بعد ان تتم عملية التسجيل هذه يتم دخولك بأسمك ورقمك السري .. وقتها يطلب منك ادراج تفاصيل بطاقتك علشان يصدر لك رقم Pin .. الرقم هذا يكلف 45 ريال ( هذا ماله دخل برسوم الفيزا ترا)

    الله يعطيك العافيه بصراحه تفصيل جداااا رائع .. بس الله لايهينك ممكن رابط موقعهم ..

  8. #8
    مسافر مشارك
    تاريخ التسجيل
    Apr 2007
    المشاركات
    116

    الاخ عثمان
    وعليكم السلام ورحمة الله وبركاته
    بخصوص الوقت المدة اللازمة ... كالتالي
    1- المدة من التسجيل لطلب الفيزا بالنت الى وقت الحضور للسفارة للمقابة ... هذا غير محدد لانه يعتمد على الوقت واليوم المتوفر للمقابلة ( يعتمد على الزحمة والموسم ) غالبا تلقى وقت لموعد المقابلة بعد اسبوعين ( ويمكن أقل من كذا ويمكن أكثر).
    2- بالنسبة للمدة من يوم المقابلة الى حصولك على الفيزا بالجواز .... هم يقولوا 15 يوم بس غالبا تخلص بأقل من كذا .. يعني 10 ايام ( لو اخترت أنو تستلم جوازك عن طريق شركة التوصيل السريع ماتدري والا وهما متصلين عليك يقولوا تعال استلم جوازك )

    بالنسبة للأنواع الثانية من الفيز ... صراحه ما اعرف كم تستغرق وقت .. غالبا الوقت رقم (1) هو نفسو لانو يعتمد على الزحمة أما الوقت الثاني فما اعرف بس اكييد اطول لانو انتا تقول انت مسافر تعيش هناك.

    اتمنى اني أفدتك اخي الكريم

    والسلام عليكم

  9. #9
    مسافر مشارك
    تاريخ التسجيل
    Apr 2007
    المشاركات
    116

    Blue Bired
    الله يعافيك اخي

    Visas to the US - Riyadh, Saudi Arabia

  10. #10
    مسافر نشيط الصورة الرمزية العجميq8
    تاريخ التسجيل
    Nov 2007
    المشاركات
    55

    تسلم اخوي على هذي المعلومات المهمه

صفحة 1 من 2 12 الأخيرةالأخيرة

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X