[naief]

المشاركة الأصلية كتبت بواسطة after next

أخي الكريم ..naief..
السلام عليكم ورحمة الله ..

شكل رحلتكم كانت متنوعة .. وسريعه شوي ..

بس ما ذكرت لنا كيف كان الجو .. وكم تكلفة السكن ورأيكم فيه ..

وكيف طريقة تعامل الناس معاكم في الاماكن التي زرتوها..

وأحلى شي عجبكم .. وكل التفاصيل الدقيقة التي تهم الزائر..

صحيح أسئلة كثيرة .. ولكن ليستفيد منها الاخوان الذين يبون زيارة دبي ..

والصور فعلاً مو واضحه كثير ولكنها جيده ..

وتصحيحاً لأسم الحديقة المائية هو ( الوايلد وادي )..

تقبل تحياتي وتقديري ..

ياهلا والله وغلا فيك اخوي افتر نيكست

رحلتنا زي ماقلت كانت تقريباً سريعه وهي لمدة 6 ايام وبالفعل كانت متنوعه

اما بالنسبه للجو فعزالله انه مايحتاج اتوقع انه من افضل وقت في دبي للسياحه هالايام جوها حلوووو مره وخاصه في الليل والرطوبه مالها طاري

اما بالنسبه للسكن فالاسعار مرتفعه والفنادق مزدحمه ، اما شقتنا فكانت غرفه وصاله ومطبخ ودورة مياه اعزكم الله وكانت بـ 325 درهم في اليوم يعني سعرها كان مناسب تقريباً وكانت في دبي في حي ابو هيل وكان السكن حلو ونظيف مافيه كلام

ومن ناحية طريقة تعامل الناس معنا كانت تمام وعادي جداً لم نواجه إسائه من احد او مضايقه ، لاكن واحنا راجعين وكان ماباقي إلى 15 كيلو ونطلع من الامارات وقدر الله وسوينا حادث بسيط في احد محطات البنزين فأضطررنا لأنتظار المرور وبعد نصف ساعه او اكثر جاء المرور وعشان ينهي المشكله تخيل انه جلس ثلاث ساعات عشان ينهي تقرير الحادث ، مع انه ماكان فيه اي مشاكل لاكن جالس يتفلسف علينا ويكثر كلام فاخرنا هالحادث البسيط اكثر من ثلاث ساعات وهذا الشئ ظايقنا كثيييييييير

واحلى شئ اعجبنا هـو الوايلد وادي بصراحه روعه لاكن انصح الي بيروح لها انه يجيها من بدري عشان يستمتع بجميع الالعاب فيها ، وثاني شئ اعجبنا هو العشاء البحري كان رووووعه وجو خيالي ، وفيه شئ فاتنا مارحنا له وهو رلحة سفاري الي تسويها المكاتب السياحيه وهي جميييييله جداً لاكن حنا ضيق الوقت ما سمح لنا نروح لأنها تاخذ وقت طويل من الساعه 4 عصرا حتى 10 مساء ، وزرنا السوق الصيني وكان سوق جميل جداً وكل شئ متوفر فيه واسعاره مناسبه ، وكان بودي نزور ابن بطوطه لاكن برظه الوقت ماساعدنا نزوره .

وبالنسبه لتصحيح اسم (وادي وادي ) الي هو ( وايلد وادي ) فأنا كتبت وادي وادي لأنه المعروف بين الناس هو هذا الاسم وما سبق ان سمعت احد سماها بـ وايلد وادي غير اني شفتها مكتوبه عند بوابتها ولاكن الاسم الي اسمعه بين الناس هو وادي وادي و القرية المائيه . وشكراً على التصحيح والتنبيه يالغالي

اشكرك على جميع ملاحظاتك وزيارتك الجميله
كل انتقاداتك اتشرف بها وبالمزيد منها اذا عندك او عند غيرك يالغالي
وانا في خدمة الجميع واي سؤال او استفسار انا في الخدمه للغالين